អនិច្ចា! រឿងខ្មែរដែល Angelina Jolie ថតអស់រាប់លានដុល្លារ បែរគ្មានអ្នកមើល ហើយលួច live ទៀត !!!
ប្រិយមិត្តប្រាកដជាដឹងហើយថា ខ្សែភាពយន្តនិយាយពីប្រវត្តិសាស្ត្រកម្ពុជា “មុនដំបូងខ្មែរក្រហមសម្លាប់ប៉ារបស់ខ្ញុំ” ឬ ‘First They Killed My Father’ ត្រូវបានកំពូលតារាសម្ដែងលំដាប់ពិភពលោក Angelina Jolie ចំណាយលុយរាប់លានដុល្លារ និងពេលវេលាដ៏មានតម្លៃជាច្រើន ផលិតចេញមក ដើម្បីចែកចាយទៅកាន់ពិភពលោក។ ប៉ុន្តែ គួរអនិច្ចា ពេលចាក់បញ្ចាំងតាមរោងភាពយន្តនៅភ្នំពេញ បែរមិនសូវទទួលបានការគាំទ្រ ហើយមានអ្នកឆ្លៀតឱកាសមួយចំនួន លួចយកទៅ live ជាសាធារណៈតាមបណ្ដាញសង្គម ដោយមិនគិតពីការខិតខំរបស់ម្ចាស់ស្នាដៃឡើយ។
នៅថ្ងៃនេះ
លើបណ្ដាញសង្គម មានទំព័រ Facebook នានា បានយករឿង ‘First They Killed My Father’ មក live យ៉ាងព្រោងព្រាត ដោយគ្មានអាសូរម្ចាស់ស្នាដៃ ដែលទើបចូលរួមពិធីសម្ពោធរឿងជាផ្លូវការកាលពីម្សិលមិញ នៅសហរដ្ឋអាមេរិក និងដាក់បញ្ចូលទៅក្នុងវិបសាយភាពយន្ត Online ដ៏ល្បី Netflix នៅឆ្នាំ២០១៧នេះ ជាប្រវត្តិសាស្ត្រភាពយន្តដំបូងគេរបស់កម្ពុជា។ ការយកមក live បែបនេះ មិនត្រឹមតែមិនផ្ដល់តម្លៃដល់ម្ចាស់ស្នាដៃប៉ុណ្ណោះទេ គឺថែមទាំងធ្វើឲ្យប៉ះពាល់ដល់កេរ្តិ៍ឈ្មោះរបស់ប្រទេសកម្ពុជាផងដែរ ព្រោះជនបរទេសដែលរង់ចាំទស្សនាលើវិបសាយពិភពលោកដោយស្របច្បាប់ បែរមកឃើញរឿងនេះលើបណ្ដាញសង្គមយ៉ាងអនាធិបតេយ្យ។ ម្យ៉ាងវិញទៀត វាក៏ធ្វើឲ្យអ្នកប្រឹងផលិត គឺអ្នកនាង Angelina Jolie ខកចិត្តខ្លាំងផងដែរ ព្រោះអ្វីដែលខំធ្វើ បែរចែកចាយដោយគ្មានតម្លៃ។ ក្រឡេកទៅតាមរោងភាពយន្តនានា ក្រោយដាក់បញ្ចាំងប៉ុន្មានថ្ងៃមក ឃើញថាគ្មានសន្ទុះអ្នកគាំទ្រដូចរឿងថៃ ឬរឿងបែបយុវវ័យនានាឡើយ។ កៅអីអ្នកទស្សនានៅទំនេរច្រើន បង្ហាញពីកំសោយនៃការគាំទ្រប្រវត្តិសាស្ត្រ និងស្នាដៃដែលបរទេស ខំមកផលិត ចែកផ្សាយបង្ហាញទៅកាន់ពិភពលោក។ ពិតណាស់ ការចំណាយរបស់អ្នកនាង Angelina Jolie គឹមិនចង់បានផលចំណេញពីប្រជាជនកម្ពុជាឡើយ ប៉ុន្តែប្រជាជនកម្ពុជាផ្ទាល់គួរគាំទ្រស្នាដៃដែលខំផលិតពីប្រវត្តិសាស្ត្រខ្មែរនោះ។
ភាពយន្ត “មុនដំបូងខ្មែរក្រហមសម្លាប់ប៉ារបស់ខ្ញុំ” ឬ ‘First They Killed My Father’ និយាយពីការចងចាំរបស់ក្មេងស្រីម្នាក់កាលពីអតីតកាលក្នុងរបបប្រល័យពូជសាសន៍ ហើយបច្ចុប្បន្នជាសកម្មជនសិទ្ធិមនុស្សនៅអាមេរិក។ អ្នកស្រីជាអ្នកនិពន្ធនៃរឿងនេះផ្ទាល់តែម្ដង ឈ្មោះថា លឿង អ៊ឹង។ រឿងនេះត្រូវបានប្រកាសថតកាលពីពាក់កណ្ដាលឆ្នាំ ២០១៦ ដោយក្នុងនោះបានជ្រើសរើសយកខេត្តបាត់ដំបងជាទីតាំងថតច្រើនបំផុត ដោយអ្នកចូលរួមសម្ដែងទទួលបានតម្លៃខ្លួនយ៉ាងក្រាស់ក្រែល៕
 |
| Hollywood star Angelina Jolie (3rd L) and her children including Maddox Jolie-Pitt (C) gesture to media in front of the royal residence for a meeting with Cambodian King Norodom Sihamoni in Siem Reap on February 18, 2017. Angelina Jolie will unveil her new film on the horrors of the Khmer Rouge era on February 18 at the ancient Angkor Wat temple complex in Cambodia, a country the star shares a deep affinity with through her adopted son Maddox. / AFP / TANG CHHIN SOTHY (Photo credit should read TANG CHHIN SOTHY/AFP/Getty Images) |
Comments
Post a Comment